O Coro Gli Appassionati enche de música a igrexa este sábado

Este sábado 12 de abril, a Igrexa Parroquial da Guarda acolle un concerto do coro Gli Appassionati a partir das 21:00h.

A obra que interpretarán será o ‘Stabat Mater’ de Steve Dobrogosz, que combina elementos da música clásica e do jazz. Esta obra conta con 8 movementos para desfrutar das voces e da música desta agrupación.

Este coro vigués, con apenas 13 anos de antigüidade, xa recibiu numerosos premios desde a súa formación e compartiu escenario con formación como a Real Filharmónica de Galicia.