O deseño de Pablo Coballes e Anxo Sánchez, gañador do concurso “Mascota da Biblioteca” da Guarda
Unha das principais novidades da campaña “Vive a Biblioteca 2016/17”, para o fomento da lectura no público máis xove da Guarda, foi a creación do concurso “Mascota de Biblioteca”. Entre os diversos deseños que se presentaron durante o mes de setembro, o xurado escolleu o realizado por Pablo Coballes García e Anxo Sánchez Higuero.
Unha das principais novidades da campaña “Vive a Biblioteca 2016/17”, para o fomento da lectura no público máis xove da Guarda, foi a creación do concurso “Mascota de Biblioteca”. Entre os diversos deseños que se presentaron durante o mes de setembro, o xurado escolleu como gañador o realizado por Pablo Coballes García e Anxo Sánchez Higuero.
A decisión foi tomada o pasado 10 de outubro por un xurado composto por Águeda Súarez Vicente, deseñadora e profesora de pintura; Teresa Espejo Guardiola, Técnica de Cultura do Concello de A Guarda e María Soledad Diz Amil, Bibliotecaria do Concello de A Guarda. O xurado tivo en conta a calidade artística e técnica, así como a adaptación da composición ós obxectivos do concurso como criterios para elixir de entre todas as propostas presentadas a que se converterá a partir de agora na mascota da Biblioteca da Guarda.
Deste xeito, o deseño de Pablo Coballes e Anxo Sánchez será a Mascota de Biblioteca da Guarda, representándoa en diferentes formatos e acompañando a tódalas iniciativas que dende a Biblioteca se realicen. Heraldo, que así se chama a mascota elixida, será presentado en público mañá, sábado 22, na primeira cita dos Contos Contados. Retómase así a cita mensual coa Biblioteca de 11:30 a 12:30, que se inaugura neste curso cunha data adicada á Nosa Biblioteca, con motivo do Día das Bibliotecas que se celebra o vindeiro luns 24 de outubro. Ese día, para conmemorar esta data, todos os que se acheguen ese luns ata a Biblioteca recibirán un libro de agasallo.
Esta primeira data da programación dos Contos Contados, que se estenderá ata o fin de curso, estará amenizado polo contacontos, e tamén haberá un obradoiro de Goma Eva, un Photocall e máis sorpresas. Así mesmo este acto incluirá a entrega do premio á parella gañadora do certame, que consiste nun lote de libros e un agasallo doado pola copistería “COPISTERIUM”.
Ademais, para que todos os veciños e veciñas da Guarda podan coñecer a recentemente elixida Mascota da Biblioteca, farase un mural coa axuda de voluntariado xuvenil, que axudará á promoción da Biblioteca durante todo o ano.
A Concelleira de Cultura, Elena Baz Rodríguez, quere agradecer a grande participación e colaboración das persoas que presentaron traballos ao certame, así como a colaboración dos centros de ensino. Todos os participantes que o desexen poden retirar os deseños presentados no prazo dun mes.
