O escritor Álvaro Villa André presenta o seu libro “Las crónicas de Ava. Pelo mandarinas para ti”

A cita é no Centro Cultural guardés ás 20,30 horas

O autor Álvaro Villa André, escritor e poeta afectado por una parálise cerebral presenta o seu libro “Las crónicas de Ava. Pelo mandarinas para ti” este venres, día 16, no Centro Cultural da Guarda as 20,30 horas.

Villa André, que viviu a súa primeira xuventude na Guarda e agora vive en Granada, publica un libro dividido en oito capítulos que adica, por exemplo, o erotismo e a sedución, ó amor, ás vivencias persoais, á espiritualidade, á motivación, a literatura ou a creatividade.
Este escritor usa a prosa e a poesía para descubrir aos lectores e narrar as historias e vivencias, moitas veces de forma autobiográfica.

Esta obra, que na actualidade pódese mercar a través do perfil do autor en facebook pero que no futuro estará en diferentes plataformas dixitais e físicas, está a recoller moi boas críticas. Villa André, tras haber presentado a obra en Granada e Vigo, e o venres na Guarda, viaxará, ao País Vasco, Cataluña e Madrid para dar a coñecer o seu libro.
Espérase que moitos veciños e veciñas guardeses apoien a este artista na presentación da súa última obra.