O martes ábrense as citas para renovar pasaporte e DNI na Guarda
A partir do martes 30 de setembro pódese pedir cita para a renovación na Guarda do Documento Nacional Identidade (DNI) e do pasaporte para o mes de outubro.
Co servizo do Vehículo Integral de Documentación (VIDOC) da Policía Nacional só é preciso acudir un día a facer o trámite. O VIDOC instalarase na Praza do Reló, o luns 6 e mércores 22 de outubro. Atenderase de 9:30 a 12:30h, só con cita previa.
O martes 30 de setembro pódese pedir cita de forma presencial no mostrador de información da planta baixa do Concello ou chamando ao 986 61 00 00.
