O PRESENTADOR PACO LODEIRO SERÁ O ENCARGADO DE CONDUCIR A REVISTA ORAL DENTRO DA PROGRAMACIÓN DA “V MOSTRA DAS TRADICIÓNS MARIÑEIRAS”
Mañá venres, día 24 de xullo, comeza na localidade da Guarda a “V Mostra das Tradicións Mariñeiras” organizada pola Asociación de Redeiras Atalaia e o Concello.
Este evento, que este ano está adicado ó traballo e a profesión dos gameleiros, presenta unha programación moi variada e aberta a todos os públicos.
Un dos maiores reclamos da mostra é a “Revista Oral” que terá lugar mañá ás 21 horas na carpa situada no Porto. Esta historia contada sobre ó traballo do mar e as persoas que traballan nel ou para el, terá como condutor ó presentador e humorista, recoñecido polos seus programas na TVG, Paco Lodeiro.
Neste acto haberá moitos invitados, entre os que se distinguirán por exemplo, representantes das redeiras, que falarán do traballo adicado ó mar dende a terra, Manuel Álvarez, fotógrafo do libro “Gameleiros”, no se que se retratan a guardeses que traballan no mar, algún dos gameleiros presentes nese exemplar, tamén mariñeiros da localidade e Brito, quen intervirá para falar da “maseira ancorense”, unha embarcación similar á gamela.
Este primeiro día, dende ás 18 horas, xa estarán abertas todas as exposicións presentes no evento. Así, tanto os veciños e veciñas da Guarda como os múltiples visitantes que pasean polo municipio estes días, poderán descubrir a historia do traxe mariñeiro na nave das redeiras, as fotografías de Manuel Álvarez da súa colección “Gameleiros” ou as de Aurora Rego, que conforman a “Familia de pescadores de ascendencia galega”, expostas na carpa do Porto.
Ademais haberá unha exposición de embarcacións tradicionais nas que destacarán a gamela adaptada guardesa e a masseira ancorense. Tamén estará a mostra permanente no Museo do Mar e as exposicións na nave das redeiras das asociacións ANABAM ou CEMMA.
Durante esta primeira xornada, quen o desexe, poderá participar nos obradoiros de cerámica, cestería, nós, cordería ou encascado, que se ofrecerán na carpa, degustar diferentes produtos na taberna mariñeira ou en diferentes restaurantes do Porto.
Tanto o sábado coma o domingo, se ofrecerán na carpa diferentes xogos populares organizados por ALTEGA Educación e Lecer e haberá un mercado mariñeiro
O sábado, ademais das actividades que continúan durante toda a fin de semana, haberá, pola tarde un obradoiro de foguetes de auga. Pola noite, ás 22,30 horas, comezará o “Serán Mariñeiro” no que participarán varios grupos de folclore.
O domingo, a V Mostra das Tradicións Mariñeiras, pechará co obradoiro de cociña “Ponlle as pilas ó teu bocata”, que comezará ás 19 horas e está dirixido a rapaces de entre 4 e 14 anos, e coa actuación do grupo “Pelepau”, que dará comezo ás 21 horas.
