O VENRES 26 DE XUÑO DE 2015 TIVO LUGAR NO BARCO DE VALDEORRAS A PRESENTACIÓN OFICIAL DA XXV FESTA DA LANGOSTA E DA COCIÑA MARIÑEIRA
Como cada ano o Concello da Guarda presentou oficialmente a Festa da Langosta e da Cociña Mariñeira e trasladouse ata o concello ourensán do Barco de Valdeorras.
Moitos veciños ourensáns ó longo dos anos teñen escollido A Guarda para pasar os días de verán. Esta vinculación continúa coas novas xeracións: as nosas paisaxes, as nosas praias, as nosas festas, a gastronomía, … conquistaron e seguen conquistando aos galegos do interior.
En agradecemento os nosos veciños ourensáns o Concello da Guarda escolleu O Barco de Valdeorras polo súa importancia na comarca e na área xa preto de León.
A presentación tivo lugar no Multiusos na Praza do Concello onde estiveron presentes do concello do Barco de Valdeorras, o Tenente de Alcalde, a Concelleira de turismo e o Concelleiro de Deporte. Ademais do Presidente da Centro Comercial Aberto, do presidente da Asociación de Empresarios, responsables das axencias de viaxes e os medios de comunicación de prensa escrita e radio. A comitiva da Guarda estivo encabezada polo Alcalde da Guarda, D. Antonio Lomba, xunto coa Concelleira de Turismo, Dona Montserrat Magallanes, e o Concelleiro de Patrimonio, D. Xabier Crespo. Ademais de tres representantes dos restaurantes que participan na festa.
O acto comezou coa intervención do Alcalde da Guarda quen agradeceu a acollida dos representantes do Concello do Barco e continuou realizando unha exposición da Guarda e os seus puntos de interese e así convidando ós presentes e a todos os ourensáns a que coñezan a vila da Guarda. A concelleira de Turismo, dona Montserrat Magallanes, encargouse de explicar os pormenores da festa, os pratos, a ampla programación aínda que non desvelou algunha sorpresa polo 25 aniversario da festa.
Pechou as intervencións a Concelleira de Turismo do Barco, Dona Irene Dacal, quen agradeceu o Concello da Guarda que escollera o Barco para presentar a afamada festa e reafirmou o seu compromiso de visitar A Guarda. O acto rematou coa degustación ofertada polos seis establecementos colaboradores e así as personalidades e medios convidados degustaron a langosta, os pratos mariñeiros con viño albariño, e co doce de excelencia, o roscón de xema.
Nesta presentación convidouse a todos veciños do Barco de Valdeorras, da comarca, e todos aqueles interesados en achegarse os días 3, 4 e 5 de xullo e gozar da FESTA DA LANGOSTA E DA COCIÑA MARIÑEIRA. A ampla programación permitirá que todos os visitantes gocen dun fin de semana completo onde degustarán a langosta e máis de 25 pratos mariñeiros e disporán de visitas guiadas, actuacións musicais para todos os gustos, actividades para nenos, …
