O volanteiro O Piueiro iza as súas velas este sábado

O vindeiro sábado día 11 de xullo ás 20:00h o Porto da Guarda vai a acoller un acto para conmemorar o 1º aniversario da celebración do XIV Encontro de Embarcacións Tradicionais de Galicia, celebrado o pasado verán na Guarda.

Neste breve acto contarase cun grupo de gaitas que interpretará o Himno do antigo Reino de Galicia para proceder ao izado da vela do Volanteiro O Piueiro que se atopa fondeado no Porto da Guarda. Nesta xornada tamén se realizará unha viaxe pola costa da Guarda no volanteiro coas 4 persoas premiadas no concurso realizado dende a web da Asociación O Piueiro.

Este acto será o arranque ás Visitas ao Volanteiro O Piueiro que terán lugar todos os martes e xoves de verán, agás o 23 de xullo. As visitas realizaranse ás 20:00h. As persoas interesadas en participar nestas visitas poden ampliar información ou inscribirse na Oficina de turismo 986614546 ou no enderezo electrónico aguarda.oficina.turismo@gmail.com