PRAZAS ESGOTADAS: Saída ao teatro a Santiago para desfrutar dunha obra acrobática

O Concello da Guarda organiza unha nova saída ao Salón Teatro de Santiago de Compostela.

Será o mércores 1 de outubro para ver a función: A serie Clopen. Acrobacias imposibles, aéreos impresionantes, comedia hilarante, danza, clown e unha historia cativadora son os ingredientes deste espectáculo multidisciplinar.

A obra reflexiona, en ton de humor, sobre os retos que ten que afrontar a xuventude nestes tempos de incerteza. Esta é a primeira produción propia do Centro Dramático Galego co circo como eixo central e que convida á reflexión sobre o momento actual.

O autobús recollerá aos veciños guardeses interesados no Centro Cultural da Guarda, levaraos ata Santiago e traeraos de volta trala representación.

O custe total da actividade é de 5€, que se aboará á persoa responsable ao subir ao bus que sairá ás 14:45 horas. Se estás interesado en asistir anótate no seguinte formulario, xa que as prazas son limitadas: https://forms.gle/zkaVnAdtCoXKvtPq5