O Concello da Guarda organiza un ano máis as actividades de alfabetización e formación de adultos.
A Formación Básica para Adultos está enfocada ás persoas maiores de 18 anos que queren amplia os seus coñecementos, promocionarse social e laboralmente ou acceder á educación secundaria.
Cúrsanse os niveis I e II, ambos compostos por grupos reducidos.
O Nivel I corresponde ás habilidades de escritura e de cálculo matemático, co fin de potenciar aquelas accións que conducen a un mellor desenvolvemento persoal e profesional das persoas adultas. Está composto por persoas de idade máis avanzada, comprendida entre os 56 e os 67 anos.
O Nivel II, o máis necesario dentro do abano de ensinanzas, ademais de ofrecer unha formación xeral ou básica, permite o acceso á educación secundaria, é dicir, serve de base para todas as persoas que queiran preparar as probas libres para a obtención do Título de Graduado en Educación Secundaria mediante a presentación ás probas extraordinarias en Xuño e Setembro.
Esta actividade desenvólvese durante sete meses.
As clases comenzan en febreiro e rematan en setembro.
Tódas as persoas interesadas en participar nestes cursos poden facer a inscrición no Departamento de Desenvolvemento Local do Concello no mes de xaneiro, sendo o custe gratuíto.
O local no que se desenvolve a actividade é o antigo COLEXIO “M. RODRÍQUEZ SINDE”, R/ Puerto Rico, 7 A Guarda.
O horario é de Tarde- Noite, compatible co horario laboral dos alumnos.
A Avaliación Final desta actividade formativa é moi satisfactoria (a porcentaxe de aprobados en Educación Secundaria é moi alto nas dúas convocatorias extraordinarias de xuño e setembro).
As axudas para a realización das actividades de alfabetización e formación de adultos, inscríbense dentro das axudas da Consellería de Educación e Ordenación Universitaria da Xunta de Galicia e están cofinanciadas polo Fondo Social Europeo.