Última Barferencia de Inverno baixo o nome “15 pesetas por frete”
A cita é este venres, 26 de febreiro, ás 20,30 horas no bar Aquilino. Con este encontro péchase, ata unha nova edición, este ciclo de conferencias.
Este venres celébrase a última charla do ciclo “Barferencias de Inverno” organizadas polo Concello da Guarda coa colaboración da Asociación ANABAM. A cita é no Bar Aquilino ás 20,30 horas.
Esta conferencia leva por nome “15 pesetas por frete”, e falará sobre a reportaxe que se está a gravar na zona de Camposancos sobre o contrabando de diferentes produtos coma café ou azucre entre esta vila e o norte de Portugal. Para falar sobre este tema e sobre a gravación se contará coa presencia de Fani Alonso Tamayo.
Espérase que nesta charla, coma nas anteriores nas que se falou por exemplo da Talasonimia da Costa da Guarda, da Salina do Seixal o das escavacións no poboado de Mergelina, no Monte Santa Trega, haxa gran expectación.
O obxectivo destes encontros é presentar, e tamén achegar, aos veciños e veciñas da Guarda, parte dos secretos da historia da vila e tamén das súas xentes. O Concello quere convidar a participar nesta última charla que porá fin, ata próximas edicións, ao ciclo “Barferencias de Inverno”.
