Un obradoiro de mindfulness para adolescentes para coidar do benestar da mocidade

A OMIX da Guarda organiza un Obradoiro de Mindfulness para adolescentes e familia. A actividade terá lugar o sábado 5 de abril ás 10:30 horas na Casa dos Alonso.

Este taller está principalmente enfocado a familias con adolescentes que queiran introducir esta técnica na súa dinámica familiar. Para así contar cunha ferramenta que axude a canalizar e xestionar as emocións e a mellorar o benestar físico, social, académico e laboral das persoas asistentes.

O obradoiro vai dirixido a persoas de 10 a 16 anos acompañadas de nai ou pai ou titor/a e para participar será necesario inscribirse previamente no correo electrónico da OMIX informacion@aguarda.es .