Xoán Carlos Rilo presenta o seu disco “O ronsel do meu sentir”

O Centro Cultural da Guarda acolle o próximo venres 21 de marzo ás 19:00h, a presentación do novo disco do mestre gaiteiro Xoán Carlos Rilo.

Este disco pecha a triloxía “O ronsel do meu sentir”, con temas da súa autoría cheos de dozura e sensibilidades. Ademais, contaremos coa súa actuación en directo da súa gaita acompañada nos audios, doutros moitos instrumentos de vento, corda e percusión gravados por vinte músicos profesionais.