A corporación guardesa visita as instalacións de ORPAGU

O alcalde da Guarda, Roberto Carrero, e os concelleiros, Isidro Lomba, Anxo Pena e Óscar Alonso visitaron na pasada semana as instalacións de ORPAGU en Tui. Alí, o seu presidente, Joaquín Cadilla, e a súa xerente, Juana Parada, explicáronlle á corporación municipal algúns dos procesos da nave de Tui, ademais de amosarlles o funcionamento de innovadores sistemas que contribúen á eficiencia enerxética.