A foodtruck de Galicia Sabe Amar chega este sábado 21 á Guarda
A foodtruck de Galicia Sabe Amar estará este sábado 21 de decembro na praza de Avelino Vicente.
Alí os visitantes poderán degustar algún dos petiscos pensados para a campaña e realizados a base de produtos certificados do mar e da terra.
A foodtruck ofrecerá os petiscos de xeito gratuíto de 11:00 a 14:00 horas e de 18:00 a 21:00 horas, cambiando de petisco ao longo da mañá e da tarde.
Esta é unha campaña da Xunta de Galicia para animar á cidadanía a consumir produtos do mar, impulsar a súa venda e poñer en valor o labor dos profesionais da pesca e do marisqueo.