A Guarda abre un proceso participativo para a ampliación e mellora da Piscina Municipal

O concello da Guarda quere coñecer o parecer da cidadanía e usuarios da Piscina Pública Municipal para acometer unha reforma do edificio da que responda a un enfoque integral que combine a adaptación funcional, estética, económica e social do edificio existente.

Deste xeito, e a través dunha enquisa, que se pode realizar presencialmente na propia piscina ou enchendo a enquisa online na web municipal www.aguarda.es, o concello pregunta sobre diferentes aspectos coma a profundidade do vaso da piscina, necesidade dunha piscina infantil, sala para actividades, o tamaño do ximnasio, o tamaño da zona de spa, confort térmico e lumínico, entre outras.

O concello da Guarda insiste en que a participación cidadá é moi importante para acadar un consenso nas futuras actuacións que se queren realizar nesta infraestrutura municipal e que o seu aproveitamento sexa a gusto dos usuarios e da cidadanía da vila.

A Reforma e Ampliación do Centro Multideporte da Piscina Municipal da Guarda realizarase a través do Plan de Impulso á Rehabilitación de Edificios Públicos(PIREP) para entidades locais financiado a través dos fondos Next Generation da Unión Europea enmarcados no Plan de Recuperación, Transformación e Resiliencia do Ministerio de Transportes, Movilidad y Agenda Urbana do Goberno de España.

Enquisa online: