A Guarda celebra cun roteiro do terror o Samaín 2024
Para este Samaín 2024, o Concello da Guarda organiza un roteiro do terror desde a Praza de Avelino Vicente ata a Praza do Reló, onde os participantes serán recibidos pola música dun dj.
A temática inspírase na cultura celta e galaica, con espíritos que vos axudarán a atopar o colar da gran princesa celta Eilleen. Para que todos poidan participar realizaranse saídas cada 5 minutos desde as 17:30 ata as 21:30 horas. Recoméndase levar as baterías dos teléfonos cargadas.
Para realizar o percorrido é preciso anotarse previamente na seguinte ligazón https://www.barafundaanimacion.com/Roteiros/aguarda/.
Pódese participar en grupos de ata 10 persoas. Todos os menores deben ir acompañados mínimo por un adulto/a responsable. Cada cinco menores debe haber no grupo un adulto/a responsable diferente. Este deberá entregar a autorización a menores no Posto de Inscricións ao comezo do Roteiro.
Sabendo que é habitual a presencia da chuvia nesta estación, en caso de que a meteoroloxía non permitira a realización da actividade polas rúas, realizaríase integramente no Centro Cultural.
Debido á duración, pendentes, kilometraxe do percorrido e temática (lembre que personaxes de terror irán dando sustos), polo que advertimos que para os máis pequenos da casa ou persoas moi impresionables pode ser un espectáculo sensible e a actividade podería non ser apropiada.
