‘Carmiña’ de Modas María Rosa foi a homenaxeada pola Guarda no IV Foro da Muller Rural

Na tarde do venres 18 de outubro, celebrouse na Casona da Torre de Redondela o IV Foro da Muller Rural de Galicia Suroeste. Por parte da Guarda, a homenaxeada foi María del Carmen  Martínez, máis coñecida como “Carmiña”, polo seu comercio Modas María Rosa.

Carmiña dedicou a súa vida ao comercio local, primeiro na tenda de comestibles da súa tía Marí Rosa, despois na librería, e agora tenda de roupa que rexenta desde hai máis de 38 anos.

Parte da familia de Carmiña e tamén o alcalde da Guarda, quixeron acompañala neste día onde se lle recoñecía toda unha vida defendendo o comercio local.

A súa paixón polo comercio local non baixou, a pesar xa da súa xubilación; e recorda os retos que tivo que afrontar para sacar adiante o seu negocio, mais tamén a satisfacción de axudar aos seus clientes e veciños.

Vídeo de Carmiña: prema aquí