A OMIX da Guarda abre o prazo para a Escola de Patinaxe

A OMIX do Concello da Guarda trae este ano unha nova actividade para os nenos e nenas de 5 a 16 anos. O prazo para a inscrición na Escola de Patinaxe xa está aberto a través do formulario:https://forms.gle/VVaBeRn9gjmXPo2N9 .

A actividade comezará en marzo e desenvolverase ata o mes de maio no pavillón do CEIP Manuel Rodríguez Sinde. Haberá dous grupos todos os venres, o primeiro de 18:30 a 19:30 horas e o segundo de 19:30 a 20:30 horas.

Tedes ata o día 24 de febreiro para cubrir formulario e comezar a gastar roda patinando. Para máis información podedes escribir a informacion@aguarda.es .