O antigo colexio Sinde converterase nun moderno edificio para o uso das asociacións

Este mércores, o presidente da Deputación de Pontevedra, Luis López, visitou as obras de rehabilitación e reforma integral do Bloque I do antigo colexio Sinde. O alcalde da Guarda, Roberto Carrero, e membros da corporación acompañárono no percorrido das obras.

Carrero destacou a importancia desta “obra básica para o asociacionismo da Guarda”, xa que este novo espazo permitirá que as asociacións “teñan maior sinerxías entre elas”. Luis López resaltou a colaboración Deputación-Concello, sendo un proxecto 100% financiado pola Deputación a través do programa PON2030 e do Plan +Provincia, que suman un total de 1M€.

A obra inclúe a redistribución dos espazos interiores de maneira que haberá novos espazos adecuados para acoller a actividade de novos colectivos. Existirán tamén salas diáfanas e multiusos de uso compartido, así como unha mellora completa das instalacións sanitarias. Por outro lado, no exterior do edificio estase a proceder á renovación das carpinterías e o cambio da cuberta para mellorar a eficiencia enerxética do edificio.

Agárdase que a obra estea rematada para o último trimestres do 2025, tras 12 meses de traballo nun espazo máis útil, cómodo e sustentable para as asociacións guardesas.