Abre o prazo para solicitar a axuda económica para persoas con fillos/as menores de 3 anos

O Departamento de Servizos Sociais do Concello da Guarda informa de que a partir do 1 de febreiro abrirase o prazo para solicitar a prestación económica de entre 360 e 2.400 euros para familias con fillas ou fillos menores de 3 anos.

Poderanse beneficiar desta axuda as persoas con cativos nacidos entre o 2 de xaneiro de 2015 e o 1 de xaneiro de 2018 (ambos incluídos), que non tivesen obriga de presentar a declaración do IRPF do ano 2016 nin se tivese presentado de xeito voluntario aínda sen estar obrigados. Os beneficiarios terán dereito a percibir un pagamento único de 360 euros pola primeira filla ou fillo, de 1.200 euros pola segunda ou segundo e de 2.400 euros polo terceiro e sucesivos.

O prazo para a presentación das solicitudes rematará o 21 marzo. Para máis información sobre os requisitos e o procedemento para a tramitación, as persoas interesadas poden dirixirse ó departamento de Servizos Sociais do Concello da Guarda, no teléfono 986 614 507 ou ben presencialmente. O horario de atención ao público é de 9 a 13 h os luns, mércores e xoves.

*Máis información na páxina web da Xunta de Galicia e  no Diario Oficial de Galicia Nº22 do 31 de xaneiro de 2018.