O desfile infantil de Entroido adiántase ao xoves por mor da predición de choiva

O tradicional desfile infantil de Entroido programado inicialmente para o venres 9 de febreiro,  adiantarase a este xoves 8 de febreiro ás 12 h, ante a previsión de choiva para a data orixinal.

Este desfile, organizado polos centros de educación infantil e primaria da Guarda, contará coa participación do alumnado dos diferentes centros guardeses: a Escola Infantil Municipal, a  Escola Infantil da Gándara, o colexio PP. Somascos, o colexio HH. Carmelitas, o CEIP M.R. Sinde, o CEIP As Solanas e o CEE San Xerome.

O percorrido será o habitual entre a Alameda e a coñecida como «esquina do Galo» (cruce de Rúa Galicia con Rúa República Dominicana).