Axudas ao Alugamento de Vivenda na Comunidade Autónoma de Galicia

No Diario Oficial de Galicia (DOG) do 11 de xaneiro de 2024, publicouse a Resolución do 18 de decembro de 2023, emitida polo Instituto Galego da Vivenda e Solo, pola cal se establecen as bases reguladoras das subvencións do Programa de Axuda ao Alugamento de Vivenda na Comunidade Autónoma de Galicia e procede á súa convocatoria, con financiamento plurianual, para o ano 2024 (códigos de procedemento VI483C).

Obxecto e Réxime de Concesión das Axudas:
A resolución ten como obxectivo aprobar as bases reguladoras que rexerán a concesión inicial (código de procedemento VI483C) das subvencións do Programa de Axudas ao Alugamento de Vivenda na Comunidade Autónoma de Galicia. Isto realízase para facilitar o desfrute dunha vivenda en réxime de alugamento a sectores da poboación con escasos recursos económicos, mediante a concesión de axudas directas ás persoas arrendatarias.

Prazo de Presentación de Solicitudes:
O prazo de presentación de solicitudes para a concesión inicial da axuda comezará o 15 de xaneiro de 2024 e rematará o 29 de febreiro de 2024, ou ata o esgotamento das partidas orzamentarias asignadas.

Requisitos para a Obtención da Axuda:
Poderán ser beneficiarias das axudas as persoas físicas maiores de idade que cumpran cos seguintes requisitos: a) Posuír a nacionalidade española ou a de algún Estado membro da Unión Europea ou do Espazo Económico Europeo, Suíza, ou o parentesco determinado pola normativa aplicable. b) Ser titular, en calidade de persoa arrendataria, dun contrato de alugamento de vivenda, formalizado nos termos da Lei 29/1994, do 24 de novembro, de arrendamentos urbanos, cunha duración mínima dun ano e mención expresa á referencia catastral da vivenda arrendada. c) Ter a súa residencia habitual e permanente na vivenda arrendada, o que deberá acreditarse mediante certificado ou volante de empadroamento, onde consten, na data da solicitude, as persoas que teñen o seu domicilio habitual na vivenda obxecto do contrato de alugamento. d) Que os ingresos mínimos da súa unidade de convivencia non sexan inferiores a 0,5 veces o IPREM. e) Atoparse ao día nas súas obrigas tributarias estatais e autonómicas, así como coa Seguridade Social, e non ter pendente ningunha outra débeda, por ningún outro concepto, coa Administración pública da Comunidade Autónoma. Ademais dos requisitos anteriores, deberán cumprirse os seguintes: a) Que a renda mensual da vivenda non supere os importes establecidos no oitavo parágrafo destas bases reguladoras. b) Que a suma total das rendas anuais das persoas que formen parte da súa unidade de convivencia, consten ou non como titulares do contrato de alugamento, sexan iguais ou inferiores a 3 veces o IPREM.

Renda da Vivenda:
A renda mensual da vivenda obxecto do contrato de alugamento non poderá superar os seguintes importes, dependendo do concello no que estea situada.
Para obter máis información e presentar solicitudes, recoméndase aos interesados que consulten as bases completas publicadas no Diario Oficial de Galicia.