Comunicado de reapertura da piscina municipal da Guarda

De acordo cos termos da Orde da Consellería de Sanidade de 25 de febreiro de 2021, na que a Xunta de Galicia levanta as restricións que motivaron o peche da piscina municipal, o concello da Guarda comunicoulle a empresa concesionaria, Transgalaica SL, o levantamento da suspensión do servizo e que deberá iniciar a súa actividade o 1 de marzo de 2021.
Debido a que o 27 de xaneiro pechouse a piscina de acordo coas restricións adoptadas pola Xunta e que naquela data procedeuse ao baleirado parcial a piscina e parado das máquinas de climatización, renovación e quecemento. Tendo en conta que para a súa posta en marcha é necesario realizar as seguintes operacións:
baleirado completo da piscina
limpeza e desinfección da mesma
enchido da piscina
quecemento da auga
limpeza e desinfección de toda a instalación
comunicación a Sanidade da reapertura, espera da visita e aceptación.
Procederase a reapertura da piscina unha vez realizadas todas as labores e obtido o permiso de sanidade. A data estimada para o comezo do funcionamento do servizo é o 10 de marzo de 2021.