Cursos de balde de informática e de smartphones para pequenos e grandes

O CeMIT da Guarda ofrece este verán cursos para adultos e nenos para iniciarse en ferramentas tecnolóxicas, que son básicas e imprescindibles a día de hoxe.

Para as persoas adultas, haberá ata tres cursos dispoñibles: iniciación a informática e internet, edición de textos e escritura e tamén un curso de móbiles smartphone ou tablet (aplicacións como WhatsApp…).

Para as nenas e nenos, ofrécese un curso en informática para aprender a ter un manexo do ordenador moi útil na súa vida escolar: mecanografía, edición de textos, presentacións…

Os cursos son gratuítos e comezarán o próximo luns e estenderanse ata o 13 de setembro. Para pedir máis información sobre horarios e/ou inscribirse pode ser a través do 986611850 ou no Centro Cultural. Todos as cursos impartiranse na aula CeMIT do Centro Cultural.