DepoApicultura: A apicultura sostible como fonte de emprego rural

A Deputación de Pontevedra ven de lanzar a actividade DepoApicultura, co obxectivo de capacitar as persoas interesadas na posta en marcha e mantemento dunha explotación apícola moderna, informando sobre as posibles orientacións produtivas e fomentando novas vías de xestión e comercialización mediante o emprego de novas tecnoloxías.

En total impartiranse 12 accións formativas presenciais e mixtas en zonas rurais da Rede Natura, polo que A Guarda entra dentro deste ámbito xeográfico.

Principalmente está destinado a persoas desempregadas, unha acción totalmente de balde grazas ao cofinanciamento do FSE para conseguir formación e un emprego de calidade. As inscricións poden formalizarse a través do enderezo electrónico depoapicultura@depo.es ou no teléfono 886 210 725.