Habilitada unha pista de voleipraia na Lamiña
O Clube Volei Miño en colaboración co Concello da Guarda ven de instalar na praia da Lamiña, unha rede para esta práctica deportiva.
Este deporte estará permitido neste espazo sempre que se cumpran as normativas vixentes de hixiene e seguridade, sendo obrigatorio desinfectar a rede antes e despois do seu uso, sendo cada persoa responsable de desinfectar o seu balón tantas veces como sexa necesario e permitindo só o xogo 2 vs 2 mantendo a distancia de seguridade.
A rede é propiedade do Club de Volei Miño, pero é para o desfrute de tod@s os que desexen practicar este deporte, tentando tamén atraer máis deportistas a este clube local.