Información sobre a situación sanitaria na Guarda por COVID-19 (05/02/2021)

Dende que a Xunta decretou as novas medidas restritivas para toda Galicia o pasado 15 de xaneiro no concello non dispoñemos de datos de incidencia acumulada a 7 e 14 días.
O que si nos notifican diariamente é o número de positivos que temos na localidade, que ven sendo, máis ou menos, os que aparecen na páxina do SERGAS. No día de hoxe, 5 de febreiro, notificaron oficialmente 55 positivos
A pesar das medidas restritivas importantes que se tomaron, como o peche perimetral e o peche da hostelaría, entre outras, a evolución da pandemia non ten sido boa, tivemos un crecemento continuo de casos ata esta última semana. Ainda que, como se pode apreciar na gráfica, parece que nos últimos días hai unha estabilización no número de contaxios.
Para que o número de contaxios empece a diminuir non debemos descuidar as medidas de prevención recomendadas. Nos últimos 15 días temos unha media superior a 5 positivos diarios, e isto, para unha vila como nosa, con 10.000 habitantes, é moito.
Debemos intentar baixar o número de contaxios para chegar ao momento en que a Xunta volva a valorar as restriccións na mellor situación posible. Debemos facelo principalmente pola nosa saúde pero tamén polos sectores económicos que están a sufrir as consecuencias nefastas desta pandemia.
E interesante saber tamén que, a día de hoxe, están vacinados na Guarda, coas dúas dosis, os usuarios e persoal da residencia Monte Tecla e o persoal que traballa no Centro de Saúde.