Máis de 650 deportistas participan do 13 ao 15 de xullo no Campionato Galego de Balonmán Praia Concello da Guarda
O Concello da Guarda prepárase para recibir a máis de 650 deportistas que participarán esta fin de semana no Campionato Galego de Balonmán Praia a celebrarse nas instalacións deportivas municipais do Codesal en Camposancos.
O Luns 9 de xullo realizouse a presentación desta proba deportiva contando coas intervencións do Calcalde da Guarda, Antonio Lomba Baz, o Concelleiro de Deportes, Xavier Crespo e o responsable da empresa coorganizadora Evento Global, Antonio Saborido.
Esta competición, que xa fixo escala noutros municipios galegos coma Vigo, Cesantes ou Poio, celebrarase na Guarda dende o venres 13 ata o domingo 15 de xullo, unha oportunidade excepcional para coñecer e ver de preto a xogadores federados de clubes de toda Galicia.
As inscricións están abertas ata este martes, día 10 de xullo as 20:00h, a través da páxina web www.verandeportivo.com, contando con varias categorías e modalidades de competición.
Este evento está organizado polo Concello da Guarda en colaboración con Evento Global e a Federación Galega de Balonmán.
Contarase cunhas instalacións con 4 campos de xogo habilitados para poder realizar partidos simultáneos, a dous sets, e onde priman as acrobacias e trucos para acadar mellores puntuacións, polo que o espectáculo está asegurado.
Este evento congregará na Guarda a máis de 600 persoas polo que o impacto económico será notable no comercio e hostalaría do municipio.
Horarios:
Venres 13 de 16:00h a 21:00h
Sábado 14 de 9:00h a 21:00h
Domingo 15 de 9:00h a 21:00h
