Novo oportunidade para practicar cerámica de balde grazas ao Concello da Guarda

A OMIX do Concello da Guarda trae un novo obradoiro para este mes de maio. Esta vez, os participantes terán a oportunidade de probar diferentes técnicas cerámicas para crear a súa propia peza.

O obradoiro estará guiado pola artesá Conchi Garrido e celebrarase en dúas sesións: o sábado 24 e o sábado 31 de maio. Durante dúas mañás as persoas participantes achegaranse ao mundo da cerámica e realizarán unha peza ao seu gusto.

Con este, xa son 9 obradoiros que a OMIX ofrece co obxectivo nde ofrecer plans de ocio diferentes, pero tamén co obxectivo de aprender e interesarse por novos hobbies e entretementos. A maioría destes obradoiros diríxense a actividades manuais, como coser, crochet, cerámica, bordado…

O alcalde cree que “ofrecer diferentes actividades á mocidade guardesa é importante para darlles novas opcións de ocio que moitas veces descoñecen”, ademais resalta que “a acollida é tal que hai lista de reserva en cada un deles polo interese e demanda que hai”.

As inscricións xa están abertas no enderezo electrónico informacion@aguarda.es, mandando o seu nome completo, enderezo postal e teléfono.