Novo punto de información do contedor marrón na Guarda este xoves

Este xoves 9 de outubro instalarase na praza de Avelino Vicente un punto de información sobre o contedor marrón. A partir das 16:00 horas as persoas interesadas poderán acudir a este punto para informarse sobre o uso do contedor, a solicitude de chaves, etc.

Ademais, porase a disposición información sobre os novos composteiros e as novas biotrituradoras que o Concello da Guarda adquiriu coas axudas da Xunta de Galicia financiadas con fondos europeos– NextGenerationEU, a través do Ministerio para a Transición Ecolóxica dentro do Plan de Recuperación, Transformación y Resilencia.

Esta acción continúa a campaña de información do contedor marrón que comezou a finais de setembro cun punto de información na Alameda, charlas nos colexios e visitas a establecementos e casas.