O albergue da Guarda acolleu en setembro un 26% máis de peregrinos que o ano anterior
En total albergáronse 174 persoas de dezaoito nacionalidades diferentes
O Camiño Portugués pola Costa é cada vez máis famoso entre os peregrinos polo que cada ano son máis os aventureiros que deciden chegar a Santiago de Compostela por esta vertente que cruza a localidade da Guarda.
Si xa nos meses de verán se superaron, e moito os números do ano pasado, no mes de setembre voltou a aumentar o número de persoas que transitaron pola Guarda e os que pasaron una noite no albergue guardés.
Comparando os datos do mes pasado co mesmo periodo do ano anterior, aumentaron nun 26% os peregrinos que pernoctaron neste albergue. Así, no ano 2014 contabilizáronse 129 e este a cifra chegou a 174.O aumento significativo notouse, sobre todo, no mes de agosto, no que chegaron a ser 236 peregrinos os que pasaron a noite no albergue guardés.
Diferentes nacionalidades
Entre os peregrinos que pernoctaron na Guarda no seu camino ata Santiago de Compostela, diferéncianse ata dezaoito nacionalidades. A pesar de ser a española a que máis se repite –ata en 44 ocasións, sendo as cidades de Madrid, Barcelona e Guipúzcoa as que máis peregrinos achegan- outros países europeos traen ata A Guarda a decenas de peregrinos.
Pos exemplo, dende Polonia chegaron 29 peregrinos e de Alemania, 17. Chegaron tamén dezaséis franceses, trece portugueses e dez persoas dende Inglaterra, ao igual que dende Italia.
Ademais pernoctaron no albergue guardés cinco persoas dende Canadá e outro tanto de Estados Unidos.
Outras nacionalidades que aparecen no rexistro son a rusa, a belga, a húngara ou a austriaca.
