O Alcalde da Guarda reúnese cos traballadores de IKF

• Desexa que se retomen as negociacións e se acaden acordos entre a dirección e comité de empresa.

O alcalde da Guarda, Antonio Lomba, mantivo durante esta semana conversas cos traballadores e a dirección de IKF para coñecer de primeira man os motivos do desencontro entre ambos que motivaron a rotura das negociacións dun novo pacto.

Antonio Lomba trasladou a súa inquedanza a ambas partes pola actual situación. A súa vez comentou cos traballadores que lle houbera gustado ter unha xuntanza con eles antes de romper as negociacións, como sucedera en anteriores ocasións.

O alcalde mostrou o seu apoio aos traballadores e as súas familias e trasladoulle a súa preocupación polo centro de traballo, unha das empresas mais importantes e grandes da localidade, que forma parte da historia da comarca.

Así mesmo comunicou a dirección e comité de empresa o seu desexo de que se retomaran, a maior brevidade, as negociacións, entendendo que queda marxe para chegar a acordos e que para conseguilo debe haber cesións por ambas partes.