O alumnado da sección bilingüe de 3ª da ESO do IES A SANGRIÑA promociona o pobo da Guarda cun vídeo musical e cun mural na rúa Baiona

Urban Art Project é un proxecto interdisciplinario da sección Bilingüe de 3º da ESO do IES A Sangriña,coordinado polos profesores Beatriz Núñez(Plástica),Alfredo Garrido(Música) e Rosana Moreira(Inglés) e cuxo obxectivo é implicar ós rapaces na vida económico-social do seu pobo a través da arte. O proxecto comprende a elaboración dun mural grafitti de benvida á A Guarda, situado na Rúa Baiona e un vídeo promocional da vila destinado ó turismo estranxeiro, para o cal se contou coa colaboración de Brais Martínez Villa, Nadia Vázquez e Concello de A Guarda.

Dende o Concello de A Guarda queremos dar os parabéns a estes rapaces e os seus profesores polo bo traballo realizado e por suposto o noso agradecemento por facer da nosa vila una lugar mais fermoso, ademais de poder mostrarlle os turistas o encanto que ten A Guarda dun xeito tan especial.

Deixámosvos o enlace do vídeo dispoñible en Youtube que tamén estará na Web do Concello de A Guarda e na Web de Turismo,ademais do Facebook de Cultura e Xuventude.