O arqueólogo Rafael Rodríguez presentará o tema “Reescavando Mergelina” na segunda Barferencia de Inverno
A cita é este xoves, 3 de decembro, ás 20,30 horas na cervexería ITACA
Este xoves, 3 de decembro, terá lugar a segunda das Barferencias de Inverno programadas polo Concello da Guarda en colaboración coa Asociación ANABAM.
Nesta ocasión, será o arqueólogo da Deputación, Rafael Rodríguez o que presentará o tema “Reescavando Mergelina”.
Na actualidade Rafael Rodríguez, xunto con seu equipo, están a traballar no poboado Mergelina, no Monte Trega. O arqueólogo presentará aos presentes todos os avances que durante os meses de traballo tiveron nas escavacións.
Ademais falarán dos achádegos máis relevantes, entre eles, o denominado “Cabezón do Trega”.
A Barferencia terá lugar na cervexería ITACA ás 20,30 horas.
Próximas citas
A próxima cita está programada para o venres 18 de decembro na Casa dos Alonsos, alí Mar Cortegoso falará de “A salina do Seixal” . O venres 15 de xaneiro, Xosé Manuel Malheiro no bar Tecla´s será o ponente de “De Luis Vello a Alonso Ríos, viaxe polas escolas de Galicia”.