O Concello da Guarda agradece o traballo e o esforzo das brigadas de limpeza durante as Festas do Monte

O Concello da Guarda agradece o traballo e o esforzo das brigadas de limpeza que, durante o transcurso das Festas do Monte 2018, encargáronse de realizar a limpeza, lavado e baldeo de rúas, para manter a vila limpa cada un dos días das festa, sobre todo naqueles puntos de máis afluencia de persoas.

Neste senso o Concello contou cun total de 24 traballadores nas brigadas de limpeza contando con 2 tractores con cisterna e bomba de auga, unha hidrolavadora, unha máquina varredora e o reforzo dun camión cisterna para intensificar o baldeo o luns e o martes despois das festas.

Contouse ademais coa colaboración de dous camións de recollida do lixo extra facilitados polos Concellos de Oia e do Rosal. E o domingo contouse cun reforzo adicional de 30 contedores repartidos polo monte, facilitando a recollida selectiva do lixo, recolléndose en total máis de 5 toneladas de lixo do domingo do Monte.

Tamén se agradece dende o consistorio local a colaboración da Comunidade de Montes da Guarda, Policía Local da Guarda, Guardia Civil, Policía Local de Tomiño e sanitarios das ambulancias.

O dispositivo empregado nesta edición das Festas do Monte foi moi superior en canto a número de efectivos e aos medios dispoñibles, unha labor que permitiu manter limpas as rúas e realizar un baleirado de contedores máis eficiente nunha semana na que A Guarda duplica a súa poboación.