O Concello da Guarda aumenta as prazas dos taxistas

O Concello da Guarda levou durante estas semanas unha obra na rúa Domínguez Fontenla co obxectivo de aumentar as prazas de aparcamento dos taxis.

Os taxistas guardeses reclamaban máis espazo para os seus vehículos, xa que só podían aparcar sete taxis das oito licenzas que existen na vila. As obras levaron a cabo a eliminación de parte da beirarrúa que provocaba unha separación na zona reservada aos taxis; deste xeito, agora poderán ofrecer este servizo público sen limitación no espazo.