O Concello da Guarda impulsa a iniciativa “Manuel María nas redes”
Unha das actividades destacadas dentro do MAIO GASTRONOMICO E DAS LETRAS que se promovedende o Concello da Guarda é o proxecto “Manuel María nas redes”.
Unha das actividades destacadas dentro do MAIO GASTRONOMICO E DAS LETRAS que se promovedende o Concello da Guarda é o proxecto “Manuel María nas redes”.
Esta iniciativa, organizada coa colaboración dos centros da ESO e BACHARELATO e CENTRO DE ADULTOS do San Xerome, quere estenderse e abrirse a toda a poboación guardesa, así como as asociacións do concello que desexen participar.
Para isto cada centro, asociación ou persoa individual elaborará un videopoema coa temática ‘Poemas de Manuel María’, isto é, se escollerá un poema de Manuel María e se fará unha montaxe de vídeo cunha idea orixinal podendo utilizar cancións, coreografías, artes plásticas ou simplemente recitando do poema.
Dende o día 12 ata o 20 de maio os videopoemas serán colgados tanto na páxina de Facebook de Cultura, como na propia web do Concello da Guarda. Os particulares ou colectivos que desexen participar poden compartir directamente coas páxinas de Facebook de Cultura A Guarda ou Biblioteca Municipal da Guarda, ou achegar os seus montaxes nun pen drive tanto ó Concello como á Biblioteca.
O obxectivo deste proxecto é a divulgación das nosas letras e do escritor homenaxeado este ano polo Día das Letras Galegas a través das redes sociais, xa que este é o medio de maior difusión entre os xoves guardeses.
