Visitas “VIP” ás escavacións no castro do Monte Santa Trega durante as fins de semana de outubro

É necesario facer reserva previa.

O Concello da Guarda en colaboración co Padroado Municipal do Monte Santa Trega organiza, durante as fins de semana de outubro, visitas guiadas gratuítas ás escavacións no Castro Santa Trega.

Con este tipo de visitas quere pórse en valor o traballo que os arqueólogos están levando a cabo no poboado da Mergelina. Así, terán a oportunidade de ver a evolución dos traballos dos expertos.

Para non interromper nin interferir na zona de excavacións os grupos serán reducidos polo que se precisa reserva. Así, todas as persoas interesadas en asistir a estas visitas deben facer a súa visita dirixíndose ao Museo Arqueolóxico Santa Trega  (MASAT), chamar ao 690017038 ou 986 61 05 04 ou mandar un mail á dirección masat@aguarda.es .

Despois de facer a reserva, os tíckets recóllense no mesmo museo.

Días e horarios

No momento de facer a reserva os interesados deberán escoller o día a e hora á que queren acudir a visita.

Os horarios e días fixados son: os sábados días 10, 17 e 24 de outubro, en horario de 11,30 e 13 horas pola mañá e de 17 e 18,30 horas pola tarde. E os domingos días 11, 18 e 25, en quenda de mañá, ás 11,30 horas e as 13 horas.

A duración de cada unha das visitas é de 60 minutos e o punto de encontro é a Casa Forestal.