O concello da Guarda informa dun cribado masivo de control por PCR

No día de hoxe o alcalde, Antonio Lomba, informouse a través da xerencia da Area Sanitaria de Vigo sobre as mensaxes vía SMS que están a chegar a un número importante de veciños e veciñas da localidade para un cribado poboacional. O alcalde aproveitou para trasladar a xerencia que na Guarda aínda non se fixera ningún cribado, motivo polo cal se duplicará o número de persoas citadas.
En conclusión o SERGAS citará a 4.000 persoas da localidade para realizar un cribado poboacional de control por PCR. As citas comezarán a facelas a partir de mañá, xoves 4 de marzo. A toma de mostras faranse en Vigo, maioritariamente no hospital Menxoeiro pero tamén se realizará no Álvaro Cunqueiro.
A situación sanitaria na vila nestes momentos non é mala, o número positivos nos últimos 7 días é de 6 e nos últimos 14 días é de 13. Polo tanto estamos nunha incidencia acumulada a 14 días de 130 (casos por 100.000 hb). Este cribado realízase como medida de control.
Aínda que a situación sanitaria estea mellorando, como sempre dende o concello recoméndase máxima precaución para manter esta evolución positiva.