O Trail do Trega prepárase para celebrar a súa décima edición

• A proba reunirá esta fin de semana na Guarda a máis de 600 corredores

Esta mañá presentouse no Concello da Guarda o X Trail do Trega, que esgotou os dorsais e que reunirá esta fin de semana a máis de 600 corredores. Nesta décima edición, os participantes terán a oportunidade de correr e compartir experiencias con Luis Alberto Hernando, campión do mundo de triple trail e patrocinador oficial do evento.

A primeira proba que se celebrará será a Andaina, que partirá o sábado día 18 ás 16:00 horas da Alameda de A Guarda. Tras ela, ás 19:30 horas celebrarase a charla-coloquio con Luis Alberto Hernando, con entrada libre para todos os interesados.

O domingo día 19 comezará ás 10.00 horas o Gran Trail, onde os corredores percorrerán dezanove quilómetros por unha das zonas máis espectaculares de Galicia, o monte Santa Trega. Ás 10.15 horas sairá o Mini Trail, cunha distancia de doce quilómetros. Unha vez rematadas as probas, entregaranse os premios Pontevedra Trail, onde os participantes nas tres probas que o integran, Trail do Aloia, Trail Adventure Muiños do Folón e Trail do Trega, recibirán un agasallo “finisher”, ademais, o entregaranse premios.podios finais.

Na presentación do evento asistiron o alcalde da Guarda, Roberto Carrero, o concelleiro de deportes, Celso Fariñas, Daniel Benavides, delegado da Xunta de Galicia na Provincia de Pontevedra, así como diferentes representantes das Comunidades de Montes de Camposancos e A Guarda, e Serafín Martínez Acevedo, director de carreira.

As inscricións para ambas as distancias están esgotadas e a pesar de abrir novas prazas para os últimos afortunados este martes, non duraron nin unha hora. A organización da carreira anima a todos os inscritos a gozar desta fin de semana de trail nun entorno espectacular, e a celebrar este décimo aniversario da carreira.