Precaucións a ter en conta ante as previsións de temperaturas altas para os vindeiros días
Dende MeteoGalicia alertan de que a partires da tarde deste Mércores e sobre todo o xoves e o venres, as temperaturas máximas ascenderán a 35º na Comarca do Baixo Miño, sendo tamén as temperaturas mínimas, bastante altas, polo que de persistir durante 3 días esta situación meteorolóxica poderíamos falar dunha vaga de calor.
Para a xornada do mércores día 1 de agosto as máximas serán as habituais para esta época do ano, entre 26º-27º, sempre inferiores aos 30º.
Será nas xornadas do xoves e do venres cando as máximas superen os 35º e as mínimas os 20º, polo que compre tomar algunhas medidas de protección.
Agárdase xa na xornada do sábado unha estabilización aos valores normais para estas datas do ano.
Dende o CAE 112-Galicia advirten que a persistencia de altas temperaturas durante varios días seguidos poden comprometer a saúde das persoas polo cal recomendan tomar nota duns consellos de protección, prestando especial atención aos colectivos que poden verse máis afectados, coma os nenos, os maiores e os enfermos crónicos, que precisan unha maior hidratación:
• Evitade as bebidas con cafeína, xa que aumentan a frecuencia cardíaca.
• Aproveitade as sombras cando salgades á rúa
• Empregade roupa lixeira, gafas de sol, sombreiro e non escatimedes en cremas solares.
• Evitade as comidas copiosas, posto que xeran un maior traballo para o noso organismo.
• Reducide a actividade física
• Nas vivendas, durante o día, cerrade as fiestras e baixade as persianas, aproveitade as noites para ventilar.
• Comprobade que os alimentos que se inxiren cumpran coas medidas de adecuada conservación
• Ante calquera emerxencia chamade ao 112
Tag:avisos, calor, Meteoroloxía