Presentación da ruta do pincho da lamprea do miño 2016

Hoxe mércores 6 de abril tivo lugar a presentación da Ruta do Pincho da Lamprea do Miño 2016 no Museo do Mar da Guarda situado no porto. Escolleuse este espazo pola súa vinculación cos mariñeiros e pescadores e porque hai varios elementos da pesca da lagosta.

Hoxe mércores 6 de abril tivo lugar a presentación da Ruta do Pincho da Lamprea do Miño 2016 no Museo do Mar da Guarda situado no porto. Escolleuse este espazo pola súa vinculación cos mariñeiros e pescadores e porque hai varios elementos da pesca da lagosta.

Ó acto de presentación estiveron presentes o Alcalde e a Concelleira de Turismo da Guarda xunto co viveirista e os representantes de Bitadorna e a Jamonería Anabel que amosaron a súa proposta de pincho.

Ás 13 horas deu comezou o acto de presentación a Concellería de Turismo do Concello da Guarda, Dna. Montserrat Magallanes Álvarez, quen destacou a pesca da lamprea para A Guarda  e a importancia destas iniciativas para promocionar ó produto local e a labor dos restaurantes coa oferta de pinchos de calidade.

Continuou o Alcalde da Guarda, D. Antonio Lomba, quen volveu a resaltar a singularidade da Guarda con referentes como Monte Santa Trega ou a afamada gastronomía da Guarda. Tamén destacou que este tipo de iniciativas permiten dar a coñecer a nosa gastronomía e, en concreto, este produto tan peculiar e descoñecido como é a lamprea. Na Guarda capturase a lamprea e grazas aos viveiristas envíanse a diferentes destinos galegos como nacionais.

Recordade que tedes 4 días en abril para degustar o pincho de lamprea: os sábados 9 e 16 e os domingos 10 e 17 en horario de 11.00 a 13.30 horas e de 19.00 a 20.30 horas. Nesta terceira edición participarán 14 restaurantes e bares da Guarda ofrecerán o pincho da Lamprea do Miño a un prezo único de 2 €.

Para rematar a Concelleira de turismo pechou o acto informando que novamente se organiza o Concurso do Mellor Pincho da Lamprea do Miño entre os restaurantes e bares adheridos para premiar a creación dun pincho de calidade. Os responsables de escoller o establecemento co mellor pincho serán os participantes puntuando cada pincho mediante unha papeleta que cumprimentarán e depositarán nas urnas dispoñibles en cada establecemento da ruta. Ademais de coñecer as valoracións dos restaurantes, as papeletas permitirán coñecer un número aproximado de pinchos servidos.

Para premiar a fidelidade dos participantes haberá un sorteo entre todas as papeletas depositadas nas urnas. O sorteo realizarase o xoves 21 de abril e o venres 29 os cinco premiados recollerán os agasallos:

  • 1º Unha caixa de 6 botellas de viño Albariño da Adega Rectoral do Umía
  • 2º Unha caixa de 6 botellas de viño Mencía  da Adega Rectoral de Amandi
  • 3º Unha caixa de 6 botellas de viño Ribeiro da Adega Alanís
  • 4º e 5º: Cada premiado: 1 botella de viño Mencía  da Adega Rectoral de Amandi e outra botella de viño Ribeiro da Adega Alanís

Tamén o venres 29 o establecemento co mellor pincho recibirá o seu diploma como recoñecemento a súa achega o bo facer na ruta organizada.

Organiza: Viveirista e pescadores do Miño da Guarda

Patrocina: Concello da Guarda

Participan 14 restaurantes e bares da Guarda:

  1. BITADORNA
  2. BRISAMAR
  3. CARLA
  4. JAMONERÍA ANABEL
  5. LA PIZZICATA
  6. MARBELLA
  7. MARUSÍA
  8. NOVO FUNIL
  9. O CANGREXAL

10. O PASEO

11. O ROXO

12. PORTO GUARDÉS

13. XANTAR

14. XEITO

Concello