O obradoiro «Faino ti: reciclaxe en familia» rematou coa entrega de diplomas aos participantes

O día 3 de xaneiro rematou o obradoiro «Faino ti: reciclaxe en familia», orientado á elaboración manual de adornos e outros obxectos con materiais de refugallo, que se desenvolveu na Guarda durante as festas de Nadal. Este obradoiro formaba parte do programa de «Tecendo lazos» da Deputación de Pontevedra, que busca unir a diferentes xeracións nunha mesma actividade.

As persoas participantes recibiron os seus diplomas da man da deputada provincial Montserrat Magallanes, o alcalde do Concello da Guarda, Antonio Lomba, e a concelleira de Xuventude, Elena Baz.  Durante o acto, os e as participantes compatiron as súas impresións sobre o curso e o traballo realizado, centrado especialmente na elaboración de obxectos con temática de Nadal.