Rematan as obras de mellora da Rúa Calvario na Guarda

O pasado mércores día 16 de decembro rematáronse as obras de mellora da Rúa Calvario entre os números 48 e 73.
O alcalde da Guarda; Antonio Lomba, a tenente de alcalde; Montserrat Magallanes, e o concelleiro de Vías e Servizos, Miguel Español, visitaron os últimos retoques destas obras xunto cos técnicos da empresa adxudicataria.
Esta actuación conta cunha parte central para a recollida de augas pluviais, substituíndo o asfaltado por un novo pavimentado de pedra en continuidade cos tramos xa mellorados en fases anteriores nesta mesma rúa, incorporando tamén parte das pedras antigas que se atoparon debaixo da vella capa de rodadura.
Executouse unha nova rede de abastecemento de auga, así coma a incorporación de bocas de incendios e a substitución da rede de augas pluviais e residuais, dispondo as novas acometidas a pozos e eliminado as acometidas que non se podía controlar ou rexistrar.
O prazo de execución destas obras prolongouse pouco máis dun mes e, tal e como manifestaron veciños, a rúa “quedou en perfectas condicións”.
Estas obras contaron cun orzamento total 121.951,87€ IVE incluído con cargo ao Plan Concellos da Deputación de Pontevedra.