Última fin de semana para completar o pasaporte de “Tapearte A Guarda 2016”
Durante o último mes os veciños, veciñas e visitantes que se achegaron á Guarda os venres, sábados e domingos dende o 27 de maio puideron desfrutar da terceira edición de “Tapearte A Guarda”, ruta gastronómica organizada polo Concello da Guarda que remata este domingo día 26 de xuño.
Durante o último mes os veciños, veciñas e visitantes que se achegaron á Guarda os venres, sábados e domingos dende o 27 de maio puideron desfrutar da terceira edición de “Tapearte A Guarda”, ruta gastronómica organizada polo Concello da Guarda que remata este domingo día 26 de xuño.
Esta iniciativa, que busca impulsar e apoiar a gastronomía da Guarda en colaboración cos hosteleiros locais, celebrou neste ano a súa edición de máis duración, debido á boa acollida que tivo nas ocasións anteriores. Así, “Tapearte A Guarda 2016” abarca 5 fins de semana nas que nun horario que vai das 12 a 13 horas e pola tarde das 19 a 21 horas, pódense degustar as 20 tapas que ofrecen 20 establecementos ao módico prezo de 2€ cada unha.
Unha das novidades que se presentaron na edición deste ano foi a creación dun pasaporte para potenciar o concepto de ruta. Este inclúe os 20 establecementos adheridos e nel se selarán aquelas tapas que sexan consumidas. Os que completen o pasaporte e selen as 20 tapas terán un agasallo directo asegurado, que pode ser un altavoz inalámbrico e un detalle elaborado pola Asociación Avelaíña que recollerán na Oficina de Turismo do Concello da Guarda canxeando o pasaporte, como xa fixeron algúns participantes. Ademais, aqueles que cheguen a selar 12 das 20 tapas, entrarán no sorteo de diversos agasallos como reloxos, set de viños ou baterías portátiles que terá lugar o mércores 6 de xullo no Concello da Guarda.
Pero tamén as tapas levan premio, pois os propios consumidores teñen a posibilidade de puntualas no Concurso da Mellor Tapa de Tapearte 2016. Os participantes poden valorar no propio pasaporte do 1 ao 3, sendo 3 a maior puntuación. Deste xeito se premiará ao establecemento coa mellor puntuación, e tamén ó que ofreza o maior número de tapas.
Dende o Concello da Guarda anímase a todo ó mundo a desfrutar este venres, sábado e domingo dos últimos tres días dunha ruta que conta con tapas de gran calidade, representativas da cociña da vila, e a non perder a oportunidade de gañar un agasallo asegurado completando o pasaporte ou de entrar no sorteo.
