Alberto Pena e a súa filla, Elsa Pena Vicente, convidados de “Conversas coa Xuventude”
Estela Doiro, por motivos de axenda, non poderá estar presente
Mañá, venres 13 de novembro, celébrase na Casa dos Alonsos unha nova sesión de “Conversas coa Xuventude”. Iniciativa organizada polo Concello da Guarda para crear un espazo de encontro entra a administración local e a mocidade do municipio.
Nesta ocasión o tema protagonista será o deporte e os convidados serán o atleta Sergio Rodríguez, Alberto Pena e a súa filla, Elsa Pena Vicente, ambos relacionados co mundo do atletismo. Estela Doiro, xogadora de balonmán, por motivos de axenda, non poderá estar presente.
Os invitados falarán aos presentes da súa experiencia persoal para, despois, dar paso a unha conversa e reflexión sobre o deporte, as necesidades, as expectativas ou as dificultades que existen no mundo deportivo e na práctica das diferentes disciplinas.
O Concello da Guarda convida a todas as persoas relacionadas co deporte pero tamén a todos os mozos e mozas da localidade a participar nesta nova sesión de “Conversas coa Xuventude” que comezará as 20,30 horas.
