Un ano máis o Concello da Guarda organiza a Travesía a Nado Porto da Guarda na súa vixésima segunda edición

Como xa ven sendo habitual esta travesía está enmarcada dentro da programación da XXVII Festa da Langosta e da Cociña Mariñeira que se celebrará os días 30 de xuño, 1 e 2 de xullo no Porto da Guarda.

A XXII edición da Travesía a Nado Porto da Guarda terá lugar o sábado 1 de xullo ás 12.00h e poderán participar tanto nadadores federados como aqueles que non o estean. Todos os interesados en participar nesta travesía poden reservar a data e realizar a inscrición ata o 29 de xuño inclusive.

A travesía conta cun regulamento para o bo funcionamento e está organizada pola concellería de Deporte do Concello coa colaboración do Club de Remo Robaleira, do Club ALAGUA, a Cofradía de Pescadores Santa Tecla e Río Verde motores forabordas.

As persoas que precisen máis información poden dirixirse directamente ó Concello da Guarda , na dirección de correo turismo@aguarda.es ou no teléfono 986 61 45 46.

A continuación a documentación do evento, tamén pode descargar no seguinte enlace a Autorización para Menores da TRAVESIA A NADO DO PORTO DA GUARDA 2017