A Guarda acolle este xoves a xornada inaugural da Feira do Emprego e Formación «Tecnoimaxín»

O xoves 25 de outubro ás 10:00h terá lugar, na Casa dos Alonsos da Guarda, a inauguración da Feira do Emprego e Formación «Tecnoimaxín», acto que contará coa presenza do Alcalde da Guarda, Antonio Lomba; o Concelleiro de Formación e Emprego, Xavier Crespo e a Deputada Provincial, Montserrat Magallanes.

Trala inauguración, a Coach e Psicóloga Social Susana Rodríguez presentará á primeira ponente desta edición, Gema Sánchez Cabezudo, quen realizará de 10:15h a 13:00h un obradoiro sobre «Competencias emocionais para afrontar un futuro laboral dixitalizado».

Gema Sánchez Cabezudo é Facilitadora do cambio, Experta en Orientación e Asesoramento Non Directivo, Coach Profesional Certificada especializada no desenvolvemento de habilidades socioemocionais e na creación de estratexias de cambio sostible que permitan ás persoas, equipos e organizacións mellorar o seu desempeño e potenciar os seus recursos.

Trala pausa para a comida, ás 18:30h terá lugar unha charla a cargo de Débora Ramonde Iglesias, Directora da Zona Franca e Explotación Inmobiliaria de Vigo.

Débora Ramonde Iglesias falará sobre os programas de apoio ao emprendemento «ViaGalicia» e tamén dos programas de apoio á internacionalización das Pymes «ViaExterior» que se levan a cabo dende o Consorcio da Zona Franca de Vigo. Proxectos que contan cunha gran acollida e que teñen xa axudado a moitos emprendedores na creación de empresas e no seu salto ao mercado internacional.

De seguido, entre as 19:00h e as 20:30h, será a quenda de Jaume Gurt, Director de organización e desenvolvemento de persoas en Schibsted Spain, grupo que aglutina ás marcas InfoJobs, Fotocasa, Vibbo, Coches.net e MilAnuncios.

Jaume Gurt falará na súa charla sobre «A Felicidade nas novas organizacións» ¿Como queres ser feliz na túa vida sen ser feliz no teu traballo, cando pasas nel máis dun terzo do teu tempo? Un mundo cada vez máis tecnolóxico está empurrando ás persoas e á sociedade, cara a novos limites. O traballo e a vida corren cada vez máis rápido, máis presión, máis cambios, namentres as presas e a angustia apodéranse dos seres humanos. Como o ollo do furacán, no medio desta revolución nace a oportunidade dun GRAN cambio para as organizacións, por ás persoas no centro, creando entornos que faciliten a FELICIDADE no traballo, e gañando en rentabilidade. Jaume Gurt o viviu e é consciente que realmente funciona. Descobre como se pode lograr a través desta interesante charla.

A Feira do Emprego e Formación «Tecnoimaxín» chega un ano máis á Guarda para desenvolver unha ampla programación de actividades ao longo de 3 días, un evento dirixido a estimular o talento e crear cultura emprendedora na comarca do Baixo Miño.

O proxecto conta cunha páxina web (www.imaxinaguarda.com) na que se irá ampliando informacións de interese sobre este Feira do Emprego e Formación, que aspira a converterse nunha cita obrigada para todas aquelas persoas interesadas en coñecer máis sobre as novas tecnoloxías, a formación continua e emprego, novas vías de negocio, entre outras novidades do sector empresarial.

Máis información e inscricións na Omix ou AEDL do Concello da Guarda no 986 61 0000 ou no enderezo electrónico informacion@aguarda.es

PROGRAMA TECNOIMAXÍN – CONCELLO DA GUARDA

XOVES 25 OUTUBRO

MAÑÁ
Acto inaugural – 10:00 horas

Montserrat Magallanes, Deputada Provincial

OBRADOIRO 10:15 – 13:00 horas
Competencias emocionais para afrontar un futuro laboral dixitalizado
Gema Sánchez- Cabezudo
Coach, formadora e Psicopedagoga

TARDE

18:30 – Proxectos da Zona Franca de Vigo
Débora Ramonde – Directora de Zona Franca e Explotación Inmobiliaria de Vigo

19:00 a 20:30 A felicidade nas novas organizacións
Jaume Gurt , Director de Organización e Desenvolvemento de persoas Schibsted Spain (formada polas marcas InfoJobs, Fotocasa, Vibbo, Coches.net e MilAnuncios
Autor Blog Un Ceo sin corbata

VENRES 26 OUTUBRO

FEIRA MAKER ( feira de tecnoloxía, robótica, …)
Conferencia/exhibición 10:00/12:00 Robótica de competición e formación por OPRobots
Manuel Rodríguez (técnico de hardware de OPRobots) e Alejandro Santos (técnico de Software de OPRobots) Contarán con robots durante todo o día no seu stand

12:30 / 13:30
Óscar Rodríguez Coordinador xeral de Ledisson Ait, programación robótica,
A DISRUPCIÓN LABORAL: UNHA VERDADE INCÓMODA
Novos perfiles, actitudes, aptitudes nos novos entornos laborais

TARDE

16:00-17:30 ESCOLA SUPERIOR GALLAECIA
Emília Simão & Samuel Barbosa – Professores de Multimédia e Artes da Escola Superior Gallaecia | Ensino Universitário
Tecnologia vs Arte – Vídeo360º

17:30-18:00 Transferencia e innovación: as paisaxes do sal como recurso económico
Brais X. Currás Doutor en Arqueoloxía e Mar Cortegoso Licenciada en Historia

SÁBADO 27 DE OUTUBRO

DURANTE TODA A MAÑÁ 10:00 / 14 horas
Feira de empresas
11:00/12:00 Nova perspectiva nos Recursos humanos, unha mirada sensible na era tecnolóxica
María Caeiro, Conselleira Delegada Grupo Caeiro
Vicepresidenta de M.Caeiro S.A.

Presentacións das empresas: empresas da comarca cun rasgo innovador
Conduce Susana Rodríguez
Coach e psicóloga social