A Guarda prepara diferentes accións para o Día Internacional da Muller

A Guarda estende máis alá do 8M a programación polo Día Internacional da Muller a través de diversas accións dirixidas a diferentes públicos.

O venres 7 de marzo conmemorarase o Día Internacional da Muller cunha concentración na Praza do Reló ás 12:30h e a lectura dun manifesto. Na seguinte semana, o xoves 13 proxectarase a película “Matria” ás 20:00h no Centro Cultural, onde contaremos co coloquio posterior da actriz protagonista María Vázquez.

Xa no mes de abril, o xoves 24, presentarase o libro “Mulleres. Historias de vida e igualdade”, un libro que recolle testemuños do obradoiro “Quérome, cóidome”. Este obradoiro volve este ano coa súa 4ª edición, e desenvolverase desde mediados de marzo a mediados de maio.

O obradoiro de canto “Con voz propia”, tamén na súa 4ª edición, xa se atopa polo epicentro da súa duración. Ademais, no mes de maio, desenvolveranse os obradoiros “Mergullo para principiantes” de educación sexual integral ao alumnado da Guarda de 1º da ESO.