Cidadáns e escolares visitan o Cabo Fradera na mañá do mércores
O patrulleiro Cabo Fradera da Armada Española recala na Guarda 13 anos despois. Este mércores 26 de febreiro na Pasaxe fixo escala na patrulla de vixilancia no Tramo Internacional do Río Miño (TIRM).
O buque estivo aberto ao público en horario de 9:30 a 13:30 horas, onde a tripulación a bordo explicaba as funcións e os equipos do patrulleiro.
O alumnado escolar foi o público máis numeroso, pois achegáronse clases de diferentes colexios e idades, invitados polo Concello. O alcalde da Guarda, Roberto Carrero, xunto co tenente alcalde, Óscar Alonso e o concelleiro, Isidro Lomba, desfrutaron tamén desta visita guiada polo Tenente de Navío Pablo Navarro, comandante do buque.
O alcalde agradeceu a visita do patrulleiro e de abrir as portas á cidadanía e aos colexios, ademais, ambas partes agardan poder repetir esta visita á Guarda en breve.
